Azərbaycan, Bakı, 03 sentyabr / Trend , müxbir N.İsmayılova /
Azərbaycan Mərkəzi Bankı (AMB) milli valyutanın denominasiyası prosesində (2007-ci ildə tam olaraq qiymətlərin yeni ölçüsünə keçilib) 10 milyon manatlıq əlavə gəlir əldə edib. Bu barədə cümə axşamı Mərkəzi Bankın İdarə Heyətinin sədri Elman Rüstəmov deyib.
"Dövriyyədə 1,05 milyard manat var. Bu pullar 13 il ərzində dövriyyəyə buraxılıb. Lakin bu günə dövriyyədən 1,04 milyard manatlıq pul əskinazları götürülüb, 10 milyon manat isə qaytarılmayıb", - Rüstəmov deyib.
Onun sözlərinə görə, dövriyyəyə buraxılmış pullarla götürüləndən sonra geri qaytarılmayan köhnə pul banknotları arasında fərq dövlət gəliridir. Çünki dövriyyədə olan pullar qaytarılmayıbsa, gəlir mənbələri hesab olunurlar.
"Bu günə 10 milyon manatın böyük hissəsi kiçik əskinazlardır. Buna görə də onların qaytarılması güman edilmir", - Mərkəzi Bank rəhbəri deyib.
Rüstəmov bu pulların hansısa hissəsinin qaytarılmasını təxmin edir, lakin bu, 9 milyon manatı ötə bilməz.
"Bu günə 1,023 milyard manatlıq banknotlar bir-bir hesablanıb və Baş nazirin birinci müavini Yaqub Eyyubovun başçılıq etdiyi dövlət komissiyasına təqdim olunub", - Rüstəmov deyib.
"Pulların hesablanması üçün müasir alman avadanlıqları gətirmişik və bütün əskinazlar ləğv ediləcək. Bu ilin sonundan və ya gələn il fevralın axırından gec olmayaraq, yandırılması üçün 1,0386 milyard manat göndəriləcək", - o deyib.
AMB tərəfindın keçirilmiş denominasiya nəticəsində köhnə pul nişanlarının yeniləri ilə əvəz edilməsi 31 dekabr 2006-cı ilədək başa çatdırılıb. 2007-ci ildən Azərbaycanda ödəmə vasitəsi kimi, yalnız yeni əskinazlar istifadə olunurlar. Bu da 19 nominalın dövriyyəsi ilə əlaqədar olaraq ticarət və iqtisadiyat subyektlərində baş verə biləcək çətinliklərinin qarşısı almağa kömək edib.
Yeni ölçüdə pul sifarişlərinin ümumi həcmi üçillik ehtiyatı nəzərə alaraq 1,7 milyard manat təşkil edib. Pulların ümumi həcmindən 94 faizi banknotlar (1, 5, 10, 20, 50 və 100 manatlıqlar), altı faizi isə metal sikkələr (1, 3, 5, 10, 20 və 50 qəpikliklər) təşkil edir.
Pul əskinazlarının istismar müddəti 3-5 il, sikkələrin isə 20 il təşkil edir. Hazırda banknotlara böyük yüklənmə 1 və 5 manatlıqlardadır. Onların güclü deformasiyaya uğramaması üçün həyat sikli 1,5 - 2 il təşkil edir. Buna görə də onların yüklənməsinin azaldılması və AMB-nin xərclərinin azaldılması üçün bu əskinazların dəmir pullarla əvəz edilməsinin mümkünlüyü də nəzərdən keçirilir.
Sentyabrın 03-nə olan cari məzənnə 0,804 AZN/USD təşkil edir.
Məqalə müəllifi ilə əlaqə ünvanı: [email protected]