Azərbaycan, Bakı, 03 sentyabr / Trend , müxbir N.İsmayılova /
2009-cu ildə Azərbaycan Mərkəzi Bankı (AMB) sərəncamında olan valyuta rezervlərinin idarə edilməsindən təxminən 50 milyon dollar həcmində gəlirin əldə olunmasını gözləyir, bu barədə cümə axşamı MB-nın İdarə Heyətinin sədri Elman Rüstəmov bildirib.
"Birinci yarımildə Mərkəzi Bankın gəlirləri 23 milyon dollar təşkil edib", - Rüstəmov bildirib.
Onun sözlərinə əsasən, hazırda valyuta rezervlərinin təxminən 350 milyon dolları xarici idarəetmədədir. Sentyabrın 1-də AMB-nın sərəncamında olan valyuta rezervləri 5001,2 milyon dollar təşkil edib. Hazırda AMB-nın üç xarici idarəetmə xəzinəsi - Ümumdünya Bankı, Amerakikanın JP Morgan və İsveçrə Bankı UBS mövcuddur.
"İlin sonuna kimi bu göstəricinin 5,5 milyard dollara kimi artırılmasını gözləyirik, yəni 2009-cu ildə sərf olunmuş bir milyard dollar qaytarılacaq", - Rüstəmov bildirib.
Onun sözlərinə əsasən, əvvəl rezervlərin əvvəlki səviyyəyə çatacağı planlaşdırılırdı, lakin ARDNŞ-in maliyyə dəstəyi göstərməsi ilə proqnozlar yenidən nəzərdən keçirilib.
"Dünyada müşahidə edilən zərər fonunda, bu, yaxşı göstərici hesab olunur", - Rüstəmov bildirib.
2008-ci ildə AMB portfelinin valyuta quruluşu üzrə balansını qurub və hazırda sərəncamında olan valyuta rezervlərinin 60 faizi dollar, qalan 40 faizi isə avro və funt/strellinqdən ibarətdir.
Valyuta rezervləri portfeli iki hissəyə bölünüb - investisiya və əməliyyat, bu səbəbdən də rezervlərin böyük hissəsi əsasən Amerika valyutasında yerləşdirilib.
Portfelin investisiya hissəsi daima artır və hazırda 60 faiz onların payına düşür. Əməliyyat hissəsi əsasən daxili tələbat ilə əlaqədardır, buna görə də onun 90 faizi dollardan ibarətdir.
İnvestisiya portfelində avronun payı kifayət qədər böyükdür.
İnvestisiya portfeli müxtəlif alətlərdən ibarətdir. Bu portfeldəki valyuta rezervləri depozitlərə, qiymətli kağızlara və bir hissəsi xarici idarəetməyə yatırılıb.
Hazırda Azərbaycan Dövlət Neft Fondunun valyuta portfeli aşağıdakı kimi balanslaşdırılıb: dollar ekvivalentində aktivlərin 50 faizi, avroda isə 40 faizi yerləşdirilməlidir. Beş faiz funt/strelinqdə və beş faiz digər valyutalarda yatırılmalıdır. Rüb ərzində bu nisbət dəyişilə bilər, lakin bu həddə balanslaşdırılmalıdır.
Məqalə müəllifi ilə əlaqə ünvanı: [email protected]
