Azərbaycan, Bakı, 11 sentyabr / Trend , müxbir N.İsmayılova /
Azərbaycanın İqtisadi İnkişaf Nazirliyi yanında Sahibkarlığa Kömək Milli Fondu (SKMF) sentybarın 11-də Quba-Xaçmaz iqtisadi rayonunda "Regionlarda sahibkarlığın inkişafına dövlət dəstəyi" mövzusunda 27-ci tədbirini keçirib. Tədbir çərçivəsində 5 milyon manatlıq təxminən 90 kredit verilib. Bu barədə cümə günü nazirlikdən verilən məlumatda deyilir.
Bu kredit resursları altı səlahiyyətli kredit təşkilatı vasitəsilə Quba, Qusar, Xaçmaz və Siyəzən rayonlarının sahibkarlarına verilib. Verilmiş güzəştli kreditlər hesabına layihələrin maliyyələşdirilməsi 170-dən çox yeni iş yerinin açılmasına kömək edir.
Tədbir iştirakçıları həmçinin "Bakuba" MMC və "Zəm-Zəm" MMC-nin Quba rayonunda, "Aqrolayn" MMC-nin Qusar rayonunda və sahibkar Rövşən Şərifovun Xaçmaz rayonunda soyuducu anbar komplekslərinin tikintisi ilə tanış olublar.
Ümumilikdə, Milli Fond anbar komplekslərinin tikintisi üzrə tender çərçivəsində 12 təklifi bəyənib. Onlardan Quba-Xaçmaz rayonunda 6, Aranda 4, Gəncə-Qazax və Lənkəran iqtisadi rayonlarının hərəsində bir layihə var.
İlin əvvəlindən Milli Fond səlahiyyətli kredit təşkilatları vasitəsilə 1400 sahibkarlıq subyektinə 75 milyon manat məbləğində güzəştli kreditlər verib. Layihələrin güzəştli kreditlər vasitəsilə maliyyələşdirilməsi təxminən 5500 yeni iş yerlərinin yaradılmasına kömək edəcək.
Cümə günü SKMF, həmçinin "Azərbaycan Respublikası Sahibkarlığa Kömək Milli Fondunun vəsaitləri hesabına güzəştli kreditlərin verilməsi üçün sahibkarlıq subyektləri tərəfindən təqdim edilən investisiya layihələrinin hazırlanması və qiymətləndirilməsi" mövzusunda növbəti treninq keçirilib. Sahibkarlar tərəfindən təqdim edilmiş investisiya layihələrinin qiymətləndirilməsi, biznes-planın təşkili proseduru, güzəştli kredit almaq qaydalarına həsr olunmuş treninqdə 400-dən çox sahibkar edib.
Sentyabrın 11-nə olan rəsmi məzənnə 0,8033 AZN/USD təşkil edir.
Məqalə müəllifi ilə əlaqə ünvanı: [email protected]
