Azərbaycan, Bakı, 15 sentyabr / Trend , müxbir İ.Xəlilova /
2009-cu ilin yanvar-avqust aylarında bütün maliyyə mənbələrindən Azərbaycanın iqtsadi və sosial sahələrinə 4562,5 milyon manat investisiya yatırılıb ki, bu da ötən ilin analoji dövrü ilə müqayisədə 15,3 faiz azdır. Çərşənbə axşamı Dövlət Statistika Komitəsindən deyildiyi kimi, şəxsi mülkiyyətdə olan müəssisə və təşkilatlar 1778,8 milyon manat, dövlət mülkiyyətində olanlar isə 2783,7 milyon manat əsas kapital yatırıblar.
Təmir-inşaat işlərinə ümumi investisiyanın 70,5 faizi qoyulub ki, bu da 3215 milyon manat təşkil edir. İstehsal yönlü obyektlərin inşası üçün 3547,5 miolyon manat (77,75 faiz), qeyri-istehsalat obyektlərinə isə 1015 milyon manat (22,2 faiz) qoyulub.
Xüsusi çəkili xarici investisiya 17,9 faiz olmaqla 816,097 milyon manat təşkil edib. İnvestisiyanın ümumi həcmindən 82,1 faiz daxili investisiyaya gedib. Daxili investisiyanın böyük hissəsi dövlət müəssisə və təşkilatlarına yatırılıb. Bu da keçən ilin analoji dövrü ilə müqayisədə 5,5 faiz azdır.
Qoyulan əsas kapital vasitələrindən 26,7 faizi ölkənin neft sektoruna, 73,3 faizi isə qeyri-neft sektoruna yönəldilib. Qeyri-neft sektoruna qoyulan investisiya keçən ilin analoji dövrü ilə müqayisədə 4,1 faiz azdır.
Bununla yanaşı, 39,4 faiz investisiya sənayenin inkişafına, 3,8 faiz kənd təsərrüfatına, 0,1 faiz balıqçılığa, 3,4 faiz ticarət və xidmətlərə, 28,5 faiz nəqliyyata, 1,8 faiz rabitəyə, 0,6 faiz inşaata, 0,2 faiz maliyyə sahəsinə, 10,2 faiz daşınmaz əmlakla əlaqəli əməliyyatlara, 1,8 faiz səhiyyəyə, 1,4 faiz təhsilə, 4,9 faiz dövlət idarələrinə, 3,6 faiz isə digər sahələrə yatırılıb.
Büdcə vəsaitləri hesabına həyata keçirilən obyektlərin inşasına 1568,9 milyon manat investisiya yatırılıb.
Müəssisə və təşkilatların vəsaiti hesabına bank kreditləri - 230,6 milyon manat (5,1 faiz), büdcə vəsaitləri - 1699,3 milyon manat (37,2 faiz), büdcədənkənar fond vəsaitləri 306,9 milyon manat (6,7 faiz), əhalinin şəxsi vəsaiti - 160,2 milyon manat (3,5 faiz), digər vəsaitlər - 0,4 milyon manat olmaqla əsas kapitalla 2165,1 milyon manat investisiya yatırılıb.
Sentyabrın 15-nə olan rəsmi məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]
