Azərbaycan, Bakı, 28 oktyabr / Trend , müxbir İ.Xəlilova/
Bakı MDB məkanında üçüncü regional maliyyə mərkəzi olmağa iddialıdır, MDB-nin maliyyə-bank şurasının baş direktoru Pavel Nefidov Trend -a deyib.
"Azərbaycanın paytaxtı Xəzəryanı maliyyə paytaxtı kimi çıxış edə bilər", - Nefidov deyib.
Onun sözlərinə görə, MBD məkanında maliyyə-bank sisteminin inkişafı və valyuta inteqrasiyasında atılan addımlardan biri beynəlxalq maliyyə mərkəzinin yaradılması ola bilər. Böhran şəraitində MDB-nin maliyyə-bank bazarının yarardılması daha aktual məsələdir. Nefidovun fikrincə, o, Rusiya, Qazaxıstan və Azərbaycanda regional mərkəzlərlə yaradıla bilər.
"Hazırda regional bank mərkəzləri formalaşmağa başlayır və mərkəzin əsas vəzifəsi inteqrasiya üçün ümumi platformanın hazırlanması və bu mərkəzləin fəliyyətinin uzlaşdırılmasıdır", - Nefidov deyib.
Onun sözlərinə görə, bunun üçün mərkəzlər öz aralarında razılığa gəlməlidirlər. Artıq Almatıda regional maliyyə mərkəzlərindən biri mövcuddur. Bu mərkəz real fəaliyyət göstərən strukturdur. Moskvada da bu məsələ fəal müzakirə edilir.
"Coğrafi cəhətdən yaxın yerləşən üç mərkəz öz aralarında qarşılıqlı tamamlayıcı əsaslarla əməkdaşlıq edə bilərlər. Gələcəkdə digər maliyyə mərkəzlərinin də meydana gəlməsi mümkündür, məsələn Ukraynada da belə mərkəz yaradıla bilər", - Nefidov deyib.
Onun fikrincə, 2010-cu ildə artıq Rusiya və Qazaxıstanda regional maliyyə mərkəzləri fəaliyyət göstərə bilər. Bakıda regional mərkəzin yaradılması məsələsinə gəlincə isə, burada əlavə iş tələb edilir. Bununla belə, ilk iki mərkəzin fəaliyyəti digərlərini də cəlb edəcək.
Məqalə müəllifi ilə əlaqə ünvanı: [email protected]