Azərbaycan, Bakı, 04 noyabr / Trend , müxbir İ.Xəlilova/
2010-cu ildə sosial ipotekanın maliyələşdirilməsi dövlət büdcəsinin maliyyə imkanlarından asılı olacaq, bu bərədə çərşənbə axşamı Azərbaycanın mliyyə naziri Samir Şərifov Parlament komitəsinin iclasında 2010-cu il dövlət büdcəsinin müzakırəsi zamanı deyib.
2010-cu ilin dövlət büdcəsi proqnozlarında hökümət cari ildə Azərbaycan İpoteka Fondu (AİF) vasitəsilə güzəştli ipoteka kreditlərinin maliyyələşdirilməsi üçün 14 milyon dollar həcmində müəyyən etdiyi məbləği saxlayıb.
"Bu gün ipoteka mexanizmi iki hissəyə ayrılır: İpoteka Fondu bir tərəfdən özünümaliyyələşdirmə prinsipi il fəaliyyət göstərir və adi kreditlər verir, sosial ipoteka kreditlərini isə dövlətin müvafiq qərarlarına uyğun müəyyən edilmiş kriteriyalara uyğun gələn şəxslərin almaq imkanı var", - nazir deyib.
AİF ipteka kreditlərinin verilməsinə yenidən başlayandan - 2009-cu iliyunun 1-dən sentyabrın 30-dək ümumi həcmi 47 milyon dollar olan 1,1 min ipoteka krediti verib.
"Təkcə sentyabr ayında yaşayış şəraitinin yaxşılaşdırılması üçün 300-dən çox ailəyə 14 milyon manat məbləğində ioteka krediti verilib", - İpoteka Fondundan deyilib.
Fonddan deyilib ki, ölkədə AİF xətti ilə ipoteka kreditlərinin verilməsinə başlayandan bəri 3,1 min ailə üçün 122 milyon manat məbləğində kredit verilib.
İpoteka Fondunun büdcəsinin maliyyələşdirilməsindən əlavə 55 milyon manatlıq istiqraz vərəqəsi buraxılıb və onlardan 44 milyon manatlıq qiymətli kağız artıq paylanılıb.
İpoteka kreditlərinin verilməsinə başlanılmasından bu günə kimi banklar üçün limitlər 4 dəfədən çox artırılıb.
Azərbaycanda adi ipoteka kreditlərinin verilməsinin maksimum məbləği 8 faiz dərcəsi ilə 25 il müddətinə 50 min manat, sosial ipoteka isə illik 4 faiz dərəcəsi ilə 30 il müddətinə 35 min manat təşkil edir. Adi və güzəştli kreditlər üçün ilkin ödəniş 15 faizdir.
İpoteka kreditləşməsinin şərtləri bunlardır: kreditlər milli valyuta - manatla və yalnız Azərbaycan vətəndaşlarına verilir, ipotekanın obyekti yalnız mənzil və şəxsi ev ola bilər, ipoteka kreditləşməsinin məbləği bazar qiymətlərinin 85 faizini keçməməlidir, kredit üzrə aylıq ödəmə borc götürənən aylıq gəlirinin 70 faizini keçməməlidir, həyat və s. sığortalar üzrə müqavilə olmalıdır.
Güzəştli şərtlər şəhid ailələrinə, milli qəhrəman ailələrinə, məcburi köçkünlərə,üç ildən az stajı olmayan dövlət qulluqçularına, elmlər namizədi və doktorluq dərəcəsi olanlara, idman sahəsində xüsusi xidməti olan şəxslərə həmçinin minimum iş stajı 3 ildən az olmayan hərbçilərə verilir.
Güzəştli ipoteka krediti almaq hüququ olan ailələr bu hüquqdan yalnız bir dəfə istifadə edə bilər.
Fondun 18 bankda kredit təşkilatı vardır.
Noyabrın 4-nə olan rəsmi məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]