Azərbaycan, Bakı, 09 noyabr /Trend capital, müxbir İ.Xəlilova/
Azərbaycan höküməti 8 meqavatt gücü olan yeni "Cənub" stansiyasını (Əli Bayramlı istilik enerji stansiyası yaxınlığında) bütünlüklə xarici istiqrazlar hesabına maliyyələşdirməyi qərara alıb, Azərenerji ASC-nin vitse-prezidenti Marlen Əsgərov deyib.
"Layihənin ümumi dəyəri 664,1 milyon avro məbləğində qiymətləndirilir. Hazırda xarici maliyyələşdirməyə əlavə cəlbetmələr üçün danışıqlar aparırıq", - o deyib. (Əvvəl layihə 622 miyyon avro dəyərində qiymətləndirilib).
Onun sözlərinə görə, gələn il inşa işləri üçün xarici istiqrazlar tərəfindən təsdiqlənmiş 117 milyon avro yönəltmək planlaşdırılır. Bu gün artıq 434 milyon avro maliyyə vəsaiti alınması üçün razılıq verilib.
Bu layihənin maliyyələşdirilməsi üçün üç bankın - Bayerische landesbank, Societe Generale və Credit Suisse konsorsiumundan artıq 300 milyon avro maliyyə vasaiti alınıb. Kredit dövlət zəmanəti ilə 10 il muddətinə verilib.
Bank konsorsiumunun kredit resursları stansiyanın inşası ilə bağlı işlərin dəyərinin yarısını əhatə edir.
İslam İnkişaf Bankı (İİB) cari il oktyabrın 20-də maliyyələşmənin 134 milyon avro məbləğinə razılıq verib. Asiya İnkişaf Bankı (AİB) da öz növbəsində Azərbaycan hökümətinə kommersiya banklarından 200 milyon dollaradək kreditlərin cəlbinə zəmanətli dəstək göstərməyə hazır olduğunu ifadə edib.
"Ötən həftə biz Asiya Bankından ölkə hakimiyyətindən əlavə məlumat tələb edən razılıq almışıq", - Əsgərov deyib.
"Cənub" stansiyası həm qazla, həm də mazutla işləyəcək. Stansiyada inşa işlərini Azərbaycanın AZENCO şirkəti aparacaq.
Məqalə müəllifi ilə əlaqə ünvanı: [email protected]