Azərbaycan, Bakı, 13 noyabr / Trend , müxbir Ü.İsmayılova/
Azərbaycanda istehlakçı indekslərinin qiyməti oktyabrda 1,16 faiz aşağı düşüb. Bu barədə İqtisadi Araşdırmalar Mərkəzinin (İAM) məlumatında deyilir.
Ötən ay qiymətlər Bakıda 2,15 faiz, ölkə rayonlarında isə 0,2 faiz artıb. Ay ərzində qeyri-ərzaq məhsulları 0,26 faiz, ərzaq məhsulları 4,91 faiz bahalaşıb. Xidmət sahəsində isə 0,18 faiz bahalaşma olub.
Doqquz ay ərzində Azərbaycanda 0,7 faiz deflyasiya baş verib. Əhəmiyyətli dərəcədə ucuzlaşma qeyri-ərzaq məhsulları sahəsində olub - 3,27 faiz. Bu dövr ərzində ərzaq məhsulları 3,22 faiz, xidmətlər isə 9,63 faiz bahalaşıb.
Azərbaycan Dövlət Statistika Komitəsinin məlumatına görə, yanvar-sentyabr ərzində inflyasiyanın səviyyəsi 2,1 faiz təşkil edib.
