Özbəkistan, Daşkənd, 23 dekabr / Trend , müxbir D.Əzizov/
Cənubi Koreyanın LG Electronics şirkəti dəyəri 9,8 milyon dollar olan soyuducu istehsal edən zavodu istismara verib, "Uzeltexprom" assosiasiyasının rəhbərliyindən məlumat verilib.
Layihə 2009-cu ilin ortalarında "Uzeltexprom" assosiasiyası və "LG Electronics" arasında imzalanan saziş çərçivəsində həyata keçirilir.
Sənəddə Özbəkistanda soyuducu və dondurucu avadanlıq istehsalçısı olan "Sino" ASC-nin bazasında soyuducu istehsalının təşkili nəzərdə tutulub, agentliyin həmsöhbəti deyib.
Onun sözlərinə görə, layihənin həyata keçirilməsinin birinci mərhələsi çərçivəsində 2010-cu ilin sonunadək "LG" markalı 50 min soyuducu buraxılacaq.
İkinci mərhələdə - 2011-ci ildə zavodun istehsal gücünü modernləşdirmək və hər il 100 minədək yeni növdə soyuducu və dondurucu kameralar istehsal etmək planlaşdırlır.
İllik istehsal gücü 250 min ədəd texnika olan "Sino" ASC 1973-cü ildə istismara verilib.
2009-2013-cü illərdə tərkibinə respublikanın elektrotexniki sahələrinin müəssisələri daxil olan "Uzeltexprom" assosiasiyası, istehsalın modernləşdirilməsinə və inkişafına 93 milyon dollar yönəltmək niyyətindədir.
Beş il ərzində fəlaiyyətdə olan zavodu modernləşdirmək və buraxılış üzrə istehsal gücü 200 minədək televizor, 350 min soyuducu, 90 min paltaryuyan maşın, 75 min kondinsioner və 50 min stasionar telefon olan yeni zavod inşa etməyi planlaşdırır.
Məişət texnikasının istehsalı Koreyanın LG, İtaliyanın Candy, Çinin Haier, hənmçinin yerli marka olan Roison brendi altında həyata keçiriləcək.
