Azərbaycan, Bakı, 2 aprel /Trend, müxbir Ü.İsmayılova/
"Era Trans Sığorta" ASC-nin 2009-cu ildəki fəaliyyətinin yekunları üzrə aktivləri 4,69 milyon manat təşkil edərək il ərzində 9,44 faiz artıb. Bu barədə müstəqil auditorun rəsmi mətbuatda dərc olunmuş rəyində bildirilir.
Həmin dövrdə şirkətin uzunmüddətli aktivləri 1,42 milyon manat (4,39 faiz illik azalma ilə), qısamüddətli aktivləri isə 3,26 milyon manat (artım 16,81 faiz) təşkil edib. Şirkətin depozit hesabları həmin dövrdə 2,81 milyon manat, valyuta hesabları 14,62 min manat təşkil edib.
"Era Trans Sığorta" ASC-nin ödənilmiş nizamnamə kapitalı ötən il 3 milyon manat təşkil edib. Həmin dövrdə şirkətin mənfəəti 276,77 min manat, ötən illərin paylanmamış mənfəəti 94,27 min manat, məcmu kapitalı isə 3,37 milyon manat təşkil edib. Hesabat ilinin əvvəlində bu rəqəm 3,09 milyon manat olub.
Şirkətin uzunmüddətli öhdəlikləri 1,3 milyon manat (ilin əvvəlində 10,13 faiz artım), qısamüddətli öhdəlikləri ilin əvvəlindəki 4,49 min manata qarşı 12,99 min manat, ümumilikdə, kapital və öhdəlikləri 4,69 milyon manat təşkil edib.
Ötən ilin yekunları üzrə şirkətin gəlirləri 1,8 milyon manat, o cümlədən sığorta haqlarından daxilolmalar 856,45 min manat, təkrar sığorta haqları 682,58 min manat, sığorta ödənişlərində təkrar sığortaçıların payı 8,95 min manat, təkrar sığorta müqavilələri üzrə komisyon haqları 5,85 min manat təşkil edib. Şirkətin investisiya gəlirləri 343,57 min manat səviyyəsində olub.
2009-cu ilin yekunları üzrə şirkətin xərcləri 1,52 milyon manat, o cümlədən sığorta ödənişləri və sığorta məbləğləri ilə bağlı əməliyyat xərcləri 667,74 min manat, sığorta haqlarının qaytarılması ilə bağlı 150,3 min manat, sığorta haqlarının təkrar sığortaya verilməsi üzrə 29,29 min manat, inzibati xərclər isə 666,93 min manat təşkil edib.
Ötən ilin yekunları üzrə şirkətin maliyyə mənfəəti 276 777 min manat təşkil edib ki, bu da bütünlüklə nizamnamə kapitalının artırılmasına yönəldilib.
2009-cu ildə "Era Trans Sığorta" 14,02 min manat məbləğində gəlir vergisi ödəyib. Sosial sığorta və təminat üzrə ödənişlər 23,85 min manat, iqtisadi sanksiyalar isə 807 manat təşkil edib.
1994-cü ildə təsis olunan "Era Trans Sığorta" ASC sığortanın 22 könüllü və 4 icbari növü üzrə xidmət göstərir.
Aprelin 2-nə olan rəsmi məzənnə 0,8034 AZN/USD təşkil edir.
