Azərbaycan, Bakı, 7 iyul /Trend, müxbir Ü.İsmayılova/
2010-cu il iyulun 1-nə olan məlumata görə, Azərbaycanın ən böyük lizinq şirkətlərindən biri olan "AG Leasing"in portfeli 4,389 milyon manat təşkil edib. Bu göstərici iyunun 1-də 5,209 milyon manat olub. Bu barədə çərşənbə günü şirkətdən bildiriblər.
Bu müddət ərzində lizinq müqavilələrinin ümumi sayı 124 olub. Bu göstərici ötən ay 129 təşkil edib. Lizinqə verilən avadanlığın ümumi məbləği ötən ayda olduğu kimi 8,150 milyon manat olub.
"AG Leasing" QSC lizinq portfelinin həcminə görə Azərbaycanın aparıcı lizinq şirkətləri qrupuna daxildir. Şirkətin müştəriləri həm hüquqi, həm də fiziki şəxslər - sahibkarlardır.
AGLeasing 2005-ci ildə dörd təsisçi tərəfindən yaradılıb - AGBank (35 faiz), Böyük Britaniyanın "Hiperion Capital Management" şirkəti (30 faiz), ABŞ-ın Delta Trans LLC şirkəti (25 faiz) və Böyük Britaniyanın "Milio Leasing Limited" şirkəti (10 faiz). Şirkətin nizamnamə kapitalı bir milyon manat təşkil edir.
