Аzərbaycan, Bakı, 13 iyul /Trend, müxbir Ü.İsmayılova/
Azərbaycanın "Azərqarant" sığorta şirkəti ölkənin bütün regionlarında filial şəbəkəsini genişləndirir. Bu barədə çərşənbə axşamı şirkətin İdarə Heyətinin sədr müavini Şükür Hüseynov bildirib.
"Bu yaxınlarda şirkət filial şəbəkəsinin genişləndirilməsi çərçivəsində Gəncə şəhərində filialını, həmçinin Şirvan və Xaçmaz şəhərlərində iki nümayəndəliyini açıb", - Hüseynov deyib.
Onun sözlərinə görə, ilin sonuna qədər şirkət Bərdə və Tərtər şəhərlərində filiallarını açmağı planlaşdırır.
"Gələcəkdə şirkətin filialları ölkənin bütün regionlarında fəaliyyət göstərəcək", - Hüseynov deyib.
Şirkətin nümayəndəsi onu da bildirib ki, şirkət hər yeni filial və nümayəndəliyin açılışı zamanı kadr çatışmazlığı ilə üzləşir.
Onun sözlərinə görə, əvvəllər ölkədə sığorta agentliklərindən agent xidmətlərinin göstərilməsinə görə lisenziya almaq tələb olunmadığı bir vaxtda şirkət böyük agent şəbəkəsinə malik idi. Lakin onlardan bəziləri Azərbaycan Maliyyə Nazirliyində lisenziya almaq prosedurundan keçə bilmədi.
"Şirkət keçmiş agentlər arasında ən layiqlisini - bir neçə ay kurs keçən agentləri seçir və əgər namizəd imtahanları uğurla veribsə, ölkənin regionlarında şirkətin filial və nümayəndəliklərinə rəhbər təyin olunur", - Hüseynov deyib.
"Azərqarant" sığorta şirkəti 1993-cü ildən sığorta bazarında fəaliyyət göstərir. Şirkətin nizamnamə kapitalı 2,7 milyon manat təşkil edir. Yanvar-may aylarında şirkətin sığorta haqları 0,24 milyon manat olub.
İyulun 13-nə olan rəsmi məzənnə 0,8038 AZN/USD təşkil edir.