Аzərbaycan, Bakı, 17 iyul /Trend, müxbir Ü.İsmayılova/
Azərbaycan Dövlət Gömrük Komitəsinin məlumatına əsasən, yanvar-iyun aylarında nəqliyyat vəsaitləri ilə 21,509 milyon ton yük daşınıb ki, bu da 2009-cu ilin birinci yarısı ilə müqayisədə 9,6% çoxdur. Bu barədə şənbə günü komitədən məlumat veriblər. Bu dövr ərzində yüklərin ixracı 18,169 milyon ton, idxalı isə 3,340 milyon ton təşkil edib.
Bu dövrdə dəniz nəqliyyatı ilə 164,6 min ton, dəmiryolla 1,66 milyon ton, avtomobillə 273,4 min ton, hava ilə 167,9 min ton yük ixrac olunub, boru kəmərləri ilə nəqletmə isə 15,896 milyon ton təşkil edib.
Dəniz nəqliyyatı ilə 270,1 min ton, dəmiryolla 2324,2 min ton, avtomobil nəqliyyatı ilə 725,5 min ton və hava ilə 10,3 min ton yük idxal olunub.
Azərbaycan ərazisindən tranzit yolu ilə altı ay ərzində 4,938 milyon ton yük danışıb ki, bu da 2009-cu ilin analoji dövr göstəricisindən 56,89% və ya 1,790 milyon ton çoxdur.
Azərbaycandan tranzit yolu ilə İsveçrəyə 839,9 min ton, Bermud adalarına 1,905 milyon ton, Gürcüstana 254,9 min ton, Tacikistana 235,5 min ton, İrana 275,9 min ton, Türkmənistana 102,8 min ton, Əfqanıstana 190,4 min ton, Türkiyəyə isə 64,1 min ton yük daşınıb.
