Azərbaycan, Bakı, 6 avqust /Trend, müxbir N.İsmayılova/
2010-cu ilin iyulunda Azərbaycanda istehlak malları və xidmətlər üzrə qiymətlər iyun ayı ilə müqayisədə 0,2 faiz təşkil edib. Bu barədə Dövlət Statistika Komitəsinin məlumatında deyilir. Ötən ilin yanvar-iyul ayları ilə müqayisədə yeddi ay ərzində inflyasiya 4,9 faiz təşkil edib
Bu zaman ərzaq məhsullarının qiymətləri 0,1 faiz ucuzlaşıb, pullu xidmətlər üzrə tariflər və qiymətlər 0,9 faiz artıb; qeyri-ərzaq mallarının qiymətləri iyun ayındakı göstəricilər səviyyəsində qalıb.
Ötən ay düyü, buğda unu, qoyun əti, toyuq əti, pasterizə olunmuş və olunmamış süd, kefir, təzə balıq və balıq konservləri, toyuq əti və toyuq budu, kərə yağı, qənd və şəkər tozu, alça, banan, qarpız, pomidor, xiyar, badımcan, soğan, kök, çuğundur, kartofun qiymətlərində azalma müşahidə olunub. Ucuzlaşma ilə yanaşı, bəzi ərzaq məhsullarının qiymətləri bahalaşıb. Buğda unu, manna (yarma) və qarabaşaq, mal və qoyun əti, bişmiş kolbasa, xama, marqarin, ağ pendir, yumurta, zeytun və qarğıdalı yağları, limon, gilas və albalı, kələm, göyərti, sarımsaq, kök və çuğundurun qiymətlərində bahalaşma müşahidə olunub.
İyulda respublikada əhaliyə göstərilən pullu xidmətlərdə - dəmiryol və hava nəqliyyatında sərnişindaşımalarda tariflər və təhsil haqları bahalaşıb.