Azərbaycan, Bakı, 17 avqust/Trend, müxbir S.Süleymanov/
Orta Asiya və Zaqafqaziya respublikaları cari ildə Qazaxıstan taxılının əsas satış bazarı olacaq. Bu barədə Trend-ə müsahibəsində "Prodkorporasiya" SC-nin kommersiya məsələləri üzrə idarəedici direktoru Daulet Uvaşev deyib.
"Rusiaynın öz taxılının ixracına qadağa qoyması və Ukraynanın ixracı məhdudiyyətləşdirməsi ilə əlaqədar olaraq, Qazaxıstan bu il öz taxılının ixracında Orta Asiya və Zaqavqaziya respublikalarına xüsusi diqqət yetirəcək", - Uvaşev qeyd edib.
Onun sözlərinə görə, Qazaxıstan taxılının Orta Asiya respublikalarına ixracı cari marketinq ilində iki milyon ton səviyyəsində olacaq.
"Biz təxminən bir o qədər də Azərbaycan və Gürcüstana ixrac edə bilərik", - Uvaşev qeyd edib.
Bundan əvvəl bildirilib ki, Qazaxıstan Kənd Təsərrüfatı Nazirliyinin məhsul yığımı üzrə proqnozu 14-15 milyon, ixrac potensialı isə səkkiz milyon ton səviyyəsindədir.