...

Azərbaycan banklarında xarici valyutada depozitlər üzrə faiz dərəcələri artıb

Biznes və iqtisadiyyat xəbərləri Materials 28 Avqust 2010 13:14 (UTC +04:00)

Azərbaycan, Bakı, 28 avqust /Trend, müxbir N.İsmayılova/

Avqustun 1-nə manatla depozitlər üzrə orta dərəcə 11,69 faiz təşkil edib. Bu göstərici iyulun 1-nə 11,81 faiz, 2009-cu il avqustun 1-nə isə 11,27 faiz təşkil edib. Bu barədə Azərbaycan Mərkəzi Bankının (AMB) məlumatında deyilir.

Xarici valyutada depozitlər üzrə orta dərəcə 11,02 faiz olub. Bu göstərici müvafiq olaraq 10,95 faiz və 9,38 faiz təşkil edib.

Avqustun 1-nə fiziki şəxslərin manatla depozitləri üzrə orta dərəcə 12,68 faiz olub. Bu göstərici iyulun 1-nə 12,81 faiz, 2009-cu ilin əvvəlinə isə 12,53 faiz təşkil edib. Fərdi şəxslərin xarici valyutada depozitləri üzrə orta dərəcə 12,52 faizə bərabər olub. Bu göstərici müvafiq olaraq 12,54 faiz və 12,30 faiz təşkil edib.

Avqustun əvvəlinə hüquqi şəxslərin yerli valyutada depozitləri üzrə orta dərəcə 6,88 faiz, iyulun 1-nə 6,73 faiz və 2009-cu il avqustun 1-nə isə 8,26 faiz təşkil edib.

Korporativ müştərilərin xarici valyutada depozitləri üzrə orta dərəcə 6,01 faizə bərabər olub. Bu göstərici müvafiq olaraq 5,78 faiz və 4,85 faiz təşkil edib.

Xəbər lenti

Xəbər lenti