Azərbaycan, Bakı, 17 sentyabr /Trend, müxbir A.Axundov/
Azərbaycan Sığortaçılar Assosiasiyasının yeni rəhbərinin seçim tarixi hələ ki müəyyənləşməyib. Bu barədə cümə günü Assosiasiyanın icraçı direktoru Qafar Məcidov deyib.
"Yığıncağın keçirilmə tarixi ilə bağlı qərar hələ ki qəbul edilməyib", - Məcidov qeyd edib.
İndi Assosiasiyanın İdarə Heyətinin sədri Azər Əliyevdir ("Atəşgah" sığorta şirkətinin İdarə Heyətinin sədri), birinci sədr Kamil İbrahimov (Standard Insurance), ikinci sədr isə Cəmil Məlikov (MBASK-ın keçmiş rəhbəri) olub.
Azərbaycan Sığortaçılar Assosiasiyasının Müşahidə Şurasına Azərbaycanın beş sığorta şirkəti daxildir (MBASK, Standard Insurance, Beynəlxalq Sığorta Şirkəti, Azərsığorta, Atəşgah). Müşahidə Şurasının hər beş üzvündən biri nizamnaməyə əsasən, ardıcıl olaraq bir il müddətinə Assosiasiyaya sədrlik edir.
Məcidovun sözlərinə görə, indi bu vəzifəyə namizəd müəyyənləşməyib, lakin seçim iki şirkət arasında - "Azərsığorta" dövlət sığorta şirkəti və Beynəlxalq Sığorta Şirkəti arasında keçiriləcək.
Azərbaycan Sığortaçılar Assosiasiyası 2006-cı ilin dekabrında təsis edilib.
Azərbaycanda 28 sığorta və bir təkrar sığorta şirkəti fəaliyyət göstərir. Onların hər biri ASA-nın üzvüdür.
Azərbaycanda 28 sığorta və bir təkrar sığorta şirkəti fəaliyyət göstərir.
