Аzərbaycan, Bakı, 21 sentyabr /Trend, müxbir A.Axundov/
2010-cu ildə İqtisadi İnkişaf Nazirliyi yanında Sahibkarlığa Kömək Milli Fondu (SKMF) 900-ə yaxın sahibkarlıq subyektinə 71 milyon manat məbləğində güzəştli kredit verib. Bu barədə çərşənbə axşamı Fondun icraçı direktoru Şirzad Abdullayev məlumat verib.
"Oktyabrın sonunadək daha doqquz milyon manatın verilməsi planlaşdırılır", - Abdullayev bildirib.
Onun sözlərinə görə, layihələrin maliyyələşdirilməsi mərhələli şəkildə, tranşlar vasitəsilə həyata keçirilir və pullar tam şəkildə sahibkarın sərəncamına verilmir.
"Fonda təqdim olunan və maliyyələşdirilməsi təsdiqlənmiş layihələr 2010-cu ildə Fond tərəfindən 115 milyon manat məbləğində güzəştli kreditin veriləcəyini deməyə imkan verir", - Abdullayev deyib.
Sentyabrın 21-nə olan rəsmi məzənnə 0,8032 AZN/USD təşkil edir.
