Azərbaycan, Bakı, 5 oktyabr /Trend, müxbir N.İsmayılova/
Azərbaycan Mərkəzi Bankı (AMB) yerli banklarda vaxtıkeçmiş kreditlərlə bağlı vəziyyətin sabitləşdiyini qeyd edir. Bu barədə çərşənbə axşamı AMB-nin kredit təşkilatlarının fəaliyyətinə nəzarət şöbəsinin müdiri Rəşad Orucov deyib.
"Son yarım il ərzində problemli kreditlərin sayının artması dayandırılıb və vəziyyət sabitləşib. Banklar müddəti keçmiş kreditlərin toplanmasında uğurlar qazanıb və ilin sonuna qədər daha müsbət nəticələr almağı gözləyirik", - Orucov deyib.
Avqustun sonunda Azərbaycan bankları tərəfindən 8788,6 milyon manat məbləğində kreditlər verilib. Bu göstərici 2009-cu il avqustun 1-də 8656,2 milyon manat, sentyabrın 1-də 7629,8 milyon manat təşkil edib.
Ümumi kreditlər və borclar portfelindən 2009-cu il avqustun 1-dəki 400 milyon manat, sentyabrın 1-dəki 274,9 milyon manata nisbətdə 423,7 milyon manatın müddəti keçib. Avqustda müddəti keçmiş kredit və borcların həcmi 5,9 faiz artıb, ötən ilin avqustunda 54,1 faiz təşkil edib.
Oktyabrın 5-nə rəsmi məzənnə 0,8024 AZN/USD təşkil edir.
