Azərbaycan, Bakı, 29 oktyabr /Trend, müxbir İ.Xəlilova/
"Belarusbank" Azərbaycan Beynəlxalq Bankına (ABB) öz səhm kapitalında iştirakı təklif etməyə hazırdır. Bu barədə cümə günü Trend-ə bankın idarə heyətinin sədr müavini Gennadi Qospodarik deyib.
"Biz bankın minoritar səhm paketinin 25 faizinin satışını elan etmişik və İPO-ya (Initial Public Offering - İlkin Kütləvi Yerləşdirmə) çıxırıq, - Qospodarik qeyd edib. - İndi tərəfdaşlar və səhmlərimizə yatırım qoymağa hazır olanları axtarırıq".
Hazırda "Belarusbank"ın səhmlərinin demək olar, 100 faizi dövlət mülkiyyətindədir.
"Banklarımızın "Maliyyə institutları MDB iştirakçı dövlətlərinin iqtisadiyyatlarının struktur modernləşdirilməsinin əsasıdır" mövzusunda MDB-yə üzv dövlətlərin III Bakı Beynəlxalq Konfransı zamanı imzalanan çərçivə sazişi çərçivəsində perspektivdə birgə strukturların yaradılması, bank sahəsinin əksər hissəsində əməkdaşlığın qurulması və həm Belarus, həm də Azərbaycan ərazisində müştərilərə xidmətin göstərilməsi mümkün olsun", - Qospodarik vurğulayıb.
Hazırda "Belarusbank"ın aktivləri cari il ərzində 11,5 milyard dollar artaraq, orta hesabla 15 milyard dollar təşkil edir. Nəticədə bankın Belarusun bank sistemində bazar payı aktivlər üzrə 41 faizdən 43 faizədək, ilin əvvəlinə fiziki şəxslərin kreditləşdirilməsi və riteyl üzrə 60 faizdən 71 faizədək artıb. "Belarusbank"ın nazamnamə kapitalı 1,2 milyard dollar təşkil edir. Hazırda "Belarusbank" bu ölkənin bank bazarının lideridir, nizamnamə kapitalına görə isə ikinci yeri tutur.
ABB-nin səhmlərinin 50,2 faizi dövlətə məxsusdur və bu ölkədə dövlətin nəzarət etdiyi böyük və yeganə bankdır. ABB aktivlərin 4,7 milyard dollar ümumi həcmi ilə bank sektorunda dominantlıq mövqeyinə malikdir. Bu, onun bazarda bank sisteminin məcmu aktivləri, kredit və depozitlərin (2009-cu ilə olan vəziyyətə görə, müvafiq olaraq 44 faiz, 47 faiz və 43 faiz) həcmi üzrə payından xəbər verir. Bank Azərbaycan üçün ümumdövlət əhəmiyyətinə malik böyük layihələrin maliyyələşdirilməsində hökumətin agenti qismində fəaliyyət göstərərək, dövlətin investisiya və iqtisadi siyasətinin həyata keçirilməsində mühüm rol oynayır.
