Azərbaycan, Bakı, 8 dekabr /Trend, müxbir E.İsmayılov/
"Azərbaycan Hava Yolları" QSC (AZAL) Heydər Əliyev adına Beynəlxalq aeroportda yeni aerovağzal binası tikmək fikrindədir. Bu barədə çərşənbə günü AZAL-dakı mənbə bildirib.
"Böyük və geniş aerovağzal binasının tikilməsi planlaşdırılır", - mənbə bildirib.
Onun sözlərinə görə, ölçüsünə görə o, aerovağzalın hazırkı binasından böyük olacaq. Mənbə tikintinin müddəti və təfərrüatları barədə məlumat verməyib.
Heydər Əliyev adına Beynəlxalq Hava Limanı iki terminaldan ("Şimal" və "Cənub") ibarətdir və Bakının 25 kilometrliyindəki Binə qəsəbəsində yerləşir.