Azərbaycan, Bakı, 14 dekabr /Trend, müxbir Ü.İsmayılova/
Azərbaycan Qiymətləndiricilər Cəmiyyəti avtomobillərin qiymətləndirmə metodologiyası üzrə kursların başlanması üçün hazırlıq işlərini aparır. Bu barədə çərşənbə axşamı cəmiyyətin əlaqələndiricisi Amil İsmayılov deyib.
"Hazırda Azərbaycanda kreditləşmə, xüsusən də avtomobil kreditləşməsi fəal surətdə inkişaf edir və məhz bu, yeni metodologiyanın işlənib hazırlanmasına zərurət yaradıb", - İsmayılov qeyd edib.
Onun sözlərinə görə, avtomobillərin qiymətləndirilməsi üzrə kurslar əsasən yerli bankların və sığorta şirkətlərinin mütəxəssisləri üçün keçiriləcək.
İsmayılov bildirib ki, hazırda avtomobil vasitələrinin qiymətləndirilməsi üzrə kursların keçirilmə vaxtı dəqiqləşdirilir.
Azərbaycanda qiymətləndirmə fəaliyyəti 1995-ci ildə qəbul edilən müvafiq qərarla tənzimlənir.