Azərbaycan, Bakı, 2 aprel /Trend, müxbir A.Axundov/
2010-cu ildə fəaliyyətinin yekunları üzrə Azərbaycanın sığorta şirkəti "Atəşgah Həyat" ASC-nin aktivləri ilin əvvəlindəki 2,253 milyon manata nisbətdə 81,38 faiz artaraq 4,086 milyon manat təşkil edib. Bu barədə şənbə günü şirkətin rəsmi mətbuatda dərc olunmuş balans hesabatında deyilir.
2010-cu ilin sonunda şirkətin uzunmüddətli aktivləri il ərzində 10,13 faiz artaraq 101,29 min manat, qısamüddətli aktivləri isə 84,42 faizlik illik artımla 3,985 milyon manat təşkil edib.
Ötən il şirkətin depozit hesabları 2,714 milyon manta təşkil edib, şirkətin hesablaşma hesablarında 0,259 milyon manat, qiymətli kağızlarda 0,8 milyon manat toplanıb.
"Atəşgah" ASC-nin ödənilmiş nizamnamə kapitalı il ərzində 76,92 faiz arıb və 2010-cu ildə 2,3 milyon manat səviyyəsində olub. Ötən il şirkətin xalis mənfəəti 0,237 milyon manat olub.
Ötən ilin yekunları üzrə şirkətin məcmu kapitalı 2009-cu illə müqayisədə 90,23 faiz artaraq 2,49 milyon manat olub.
Şirkətin məcmu öhdəlikləri 69,11 faiz artaraq 1,596 milyon manat, ümumilikdə kapital və öhdəlikləri 81,38 faiz artaraq 4,086 milyon manat təşkil edib.
Ötən ilin yekunları üzrə şirkətin gəlirləri 0,558 milyon manat, o cümlədən sığorta üzrə 1,044 milyon manat, investisiya gəlirləri üzrə 0,186 milyon manat təşkil edib.
2010-cu il ərzində şirkətin xərcləri 0,32 milyon manat, o cümlədən sığorta ödənişləri 24,52 min manat, təkrar sığorta ödənişləri 87,018 min manat, işlərin aparılması üçün xərcləri 0,163 milyon manat olub.
2010-cu ildə şirkət 12,056 min manat mənfəət vergisi, gəlir vergisi üzrə 22 min manat, digər vergilər üzrə 10,841 min manat vergi ödəyib.
"Atəşgah Həyat" ASC 2008-ci ildə yaradılıb. Şirkətin yeganə təsisçisi "Atəşgah" sığorta şirkətidir. Onun səhmdarları I.S.R. Holding Ltd, ARDNŞ və RAN-Eksim şirkətidir.
Aprelin 2-nə olan rəsmi məzənnə 0,7926 AZN/USD təşkil edir.
