Azərbaycan, Bakı, 10 iyun /Trend, müxbir N.İsmayılova/
Mayın əvvəlinə olan məlumata görə, Azərbaycan banklarının ümumi aktivləri 12,75 milyard manat olub ki, bu da 2010-cu ilin analoji dövrü ilə müqayisədə 5,9 faiz azdır. Bu barədə cümə günü Azərbaycan Məkəzi Bankının məlumatında deyilir.
İnvestisiya qoyuluşları ilin əvvəlindən ötən ilin analoji dövrünün göstəricisi ilə müqayisədə 38,9 faiz artaraq 1225,6 milyon manat, müştərilərə verilənlər - 8023,2 milyon manat (1,2 faiz azalıb) təşkil edib. Ölkənin maliyyə sektoruna verilən kredit və depozitlərin həcmi hesabat dövründə 531 milyon manat, hesabat dövrü ərzində müxbir hesablarında vəsaitlər 1158,9 milyon manat, nağd vəsaitlər 543,2 milyon manat olub.
2011-ci il mayın 1-nə olan vəziyyətə görə, Azərbaycan banklarının ümumi öhdəlikləri 10,539 milyard manat təşkil edərək ilin əvvəlindən 5,3 faiz azalıb. Bunun 5449,6 milyon manatı depozitlərin, 4325,1 milyon manatı maliyyə bazarından alınan kredit və depozitlərin payına düşür.
İyunun 10-na olan rəsmi məzənnə 0,7884 AZN/USD təşkil edir.