...

Azərbaycanın "İpək Yolu" sığorta şirkəti mənfəəti kapitallaşmaya yönəldəcək

Biznes və iqtisadiyyat xəbərləri Materials 25 İyul 2011 13:34 (UTC +04:00)

Trend-i buradan izləyin

Azərbaycan, Bakı, 25 iyul /Trend, müxbir A.Axundov/
Azərbaycanın "İpək Yolu" sığorta şirkəti (əvvəllər "Azal Sığorta" adlanırdı) 2011-ci ilin yekunları üzrə də mənfəəti kapitallaşmaya yönəldəcək. Bu barədə Trend-ə şirkətin idarə heyətinin sədri Niyazi Səfərli bildirib.

"Son iki ildə biz bütün mənfəəti nizamnamə kapitalının artırılmasına yönəltmişik, 2012-ci ildə bu tendensiya davam etdiriləcək", - Səfərli deyib.

Onun sözlərinə görə, şirkətin nizamnamə kapitalı mənfəət hesabına 8,855 milyon manat artırılaraq ötən ilin yekunları üzrə 1,855 milyon manata çatdırılıb.

Bununla yanaşı, o, bu il əldə olunması planlaşdırılan mənfəətin həcmi barədə proqnoz verməyə çətinlik çəkib.

2010-cu ilin yekunları üzrə şirkətin aktivləri 2,98 dəfə artaraq ilin əvvəlindəki 6,538 milyon manata qarşı 19,462 milyon manat olub.

Hava nəqliyyatının sığortası üzrə ixtisaslaşan "İpək Yolu" SŞ 1995-ci ildə yaradılıb.

İyulun 25-nə rəsmi məzənnə 0,7865 AZN/USD təşkil edir.

Xəbər lenti

Xəbər lenti