Azərbaycan, Bakı, 15 dekabr /Trend müxbir N. İsmayılova/
Üç il ərzində Azərbaycan İqtisadi İnkişaf Nazirliyi yanında Sahibkarlığa Kömək Milli Fondunun (SKMF) xətti ilə ayrılan kreditlərin qaytarılmasl 4,5 dəfədən artıq artıb. Trend-in məlumatına görə, bu barədə cümə axşamı jurnalistlərə SKMF-nin icraçı direktoru Şirzad Abdullayev deyib.
"2011-ci ildə Fond əvvəl ayırdığı kreditlərin 104 milyon manat həcmində qaytarılmasını təmin edib" , - Abdullayev bildirib.
Onun sözlərinə görə, son illərdə kreditlərin qaytarılması həcmi dəfələrlə artıb. "Əgər 2008-ci ildə bu rəqəm 23 milyon manat təşkil edirdisə, 2011-ci ildə o, 104 milyona çatıb" , - Abdullayev qeyd edib.
Onun sözlərinə görə, 2012-ci ildə əvvəl verilən güzəştli kreditlərin qaytarılmasının planlaşdırılan həcmi 110 milyon manat təşkil edir.
"Bütün kreditlər cədvələ uyğun qaytarılır və qaytarılma ilə bağlı problem yoxdur" , - Abdullayev deyib.
SKMF 1992-ci ildə yaradılıb. 2011-ci ildə Fond 138 milyon manat dəyərində güzəştli kreditlərin verilməsini maliyyələşdirməyi planlaşdırıb, onlardan 34 milyon manat dövlət büdcəsindən ayrılıb, qalan vəsaitlər isə əvvəl verilən kreditlərin qytarılması hesabına təmin edilməlidir. 2011-ci ilin əvvəlindən SKMF 135,8 milyon manat dəyərində 1626 investisiya layihəsini maliyyələşdirib.
Dekabrın 15-nə olan rəsmi məzənnə 0,7863 AZN/USD təşkil edir.