Azərbaycan, Bakı, 17 fevral /Trend, müxbir H.Vəliyev/
Yanvar ayında Azərbaycanın metallurgiya sənayesi və hazır metal məmulatları istehsal edən müəssisələri tərəfindən 37,9 milyon manat məbləğində məhsul istehsal edilib və xidmət göstərilib. Bu barədə cümə günü Trend-ə Dövlət Statistika Komitəsindən məlumat verilib.
Metallurgiya sənayesində istehsalın həcmi 1,8 dəfə artıb, hazır metal məmulatlarının istehsal həcmi isə 4,7 faiz azalıb.
Yanvarda bu sahədə 32,2 min ton tökmə polad istehsal edilib ki, bu da 2011-ci ilin analoji dövr göstəricisindən 4,8 dəfə çoxdur.
Armatur istehsalının həcmi 118,2 min ton təşkil edib ki, bu da 2011-cu ilin yanvarından 17,8 dəfə çoxdur.
Tökmə çuqun istehsalı 80 ton təşkil edib. Bu, 2011-ci ilin analoji dövrünə nisbətən 33,3 dəfə çoxdur.
Polad boru 3,8 min ton istehsal edilib ki, bu da 2011-ci ilin analoji dövr göstəricisindən 29,5 faiz azdır.
Qara metallardan hazırlanan yarımfabrikatların ixrac həcmi 2011-ci ilin yekunlarına əsasən 203,1 min ton olub (92 milyon dollardan artıq məbləğdə) ki, bu da 2010-cu ilin müvafiq dövr göstəricisindən 102 faiz (pula çevirdikdə 190,1 faiz) çoxdur.
2011-ci ilin yekunları üzrə qara metallardan hazırlanan boruların ixracı 99,7 min tonu (102,8 milyon dollardan artıq məbləğdə) ötüb ki, bu da 2010-cu ilin müvafiq dövr göstəricisindən 164,2 faiz (pulla ifadədə 237,5 faiz) çoxdur.
Fevralın 17-nə olan rəsmi məzənnə 0,7863 AZN/USD təşkil edir.
