Azərbaycan, Bakı, 29 fevral /Trend, müxbir A.Axundov/
Azərbaycanda avtomobil sığortasına böyük tələbat var. Bunu Azərbaycan Maliyyə Nazirliyi yanında Dövlət Sığorta Nəzarəti Xidmətinin sifarişi ilə Türkiyənin "Gfk Türkiye" şirkəti tərəfindən aparılan ölkənin avtomobil sığortası bazarının marketinq araşdırması təsdiq edir.
"Sığortası olan respondentlərin 40 faizi gələn ildə də maşınlarını sığortalamaq istədiklərini bildiriblər. Könüllü sığortası olanlar müqavilənin yenilənməsinə daha yüksək meyl göstərirlər (70 faiz). Bu onu göstərir ki, əgər istehlakçı mövcud kateqoriyaya qoşulubsa, o, orada qalmaq istəyir", - araşdırmada deyilir.
Ümumilikdə, araşdırma göstərdi ki, insanlara avtomobil sığortası lazımdır. Belə ki, rəyi soruşulanların ancaq 5 faizi deyib ki, yol-nəqliyyat qəzalarının iştirakçısı olmayıblar, 16 faizi isə nadir hallarda yol-nəqliyyat qəzalarına düşdüklərini bildirib.
"75 faizi deyib ki, onların növbəti maşını sıfır gedişlə olacaq. Bütün bunlar o deməkdir ki, bazarda avtomobil sığortasına potensial tələbat var və belə olan halda təkcə onların niyyətini stimullaşdırmaq qalır. Bunun üçün əsas alət insanlara avtomobil sığortasının onlara nə üçün lazım olması barədə məlumat vermək, habelə sığorta şirkətlərinə qarşı mənfi münasibətin, onların polisləri əldə edə bilməməsinin digər səbəblərinin aradan qaldırılmasıdır", - araşdırmada qeyd edilir.
Araşdırmanının nəticələrinə əsasən, respondentlər sığorta şirkətləri və onların məhsulları haqqında əsas informasiya kanalları kimi televiziya (66 faiz), dost və tanışlar (51 faiz), internet (32 faiz), banklar (21 faiz), sığorta agentləri (20 faiz), radio (12 faiz) və qəzetləri (12 faiz) göstərib.
Araşdırmalar çərçivəsində 20-54 yaş arasında 1695 şəxsin rəyi soruşulub. Sorğu Bakı, Gəncə və Sumqayıtda keçirilib. Rəyi soruşulanlarından 849 nəfər avtomobil nəqliyyatı vasitələri sahiblərinin mülki məsuliyyəti üzrə, 499 nəfər avtomobillərin könüllü sığortası üzrə sığortalanıb, 347 nəfərin isə ümumiyyətlə sığortası olmayıb.
