Azərbaycan, Bakı, 29 may /Trend, müxbir A.Axundov/
2012-ci il üçün Azərbaycan dövlət və icmal büdcəsinin proqnozlaşdırılan parametrlərinin düzəlişləri ilin sonuna ÜDM-in səviyyəsi üzrə proqnozu 3,5 milyard manat yüksəltməyə imkan verib. Trend-in məlumatına görə, bu barədə çərşənbə axşamı Milli Məclisin İqtisadi siyasət komitəsinin rəhbəri Ziyad Səmədzadə Parlamentdə "2012-ci ilin dövlət büdcəsinə əlavə və dəyişiliklər edilməsi haqqında" qanun layihəsinin müzakirəsi zamanı bildirib.
"Bununla da ÜDM-in həcmi 50 milyard manatı ötəcək", - Səmədzadə vurğulayıb.