Azərbaycan, Bakı, 25 iyun /Trend, müxbir Ə.Həsənov/
Cari ilin mayında Bakının ilkin mənzil bazarında qiymətlər əvvəlki ayla müqayisədə 0,2 faiz ucuzlaşaraq bir kvadratmetrə görə 819,9 manat təşkil edib. Trend-in məlumatına görə, bu barədə bazar ertəsi "Əmlak Bazarı İştirakçıları" İctimai Birliyinin yaydığı məlumatda deyilir.
"Qiymətlər ötən rübə nisbətən 0,5 faiz, ötən ilin analoji dövrü ilə müqayisədə isə 2,3 faiz ucuzlaşıb", - məlumatda qeyd edilir.
Böhran dövrü (2008-ci ilin sentyabr ayı) ilə müqayisədə ilkin mənzil 31,3 faiz ucuzlaşıb, 2012-ci ilin əvvəlinə nisbətən isə qiymətlər 3,3 faiz azalıb.
Cari ilin mayında 421 yeni tikilidən biri satışdan çıxarılıb. Əvvəlki ayda olduğu kimi bunun (bir yeni tikilinin çıxarılması) əsas səbəbi sonuncu mərtəbələrə tələbatın zəifliyi ilə əlaqədardır. Tikinti şirkətlərinin sayı da bir ədəd azalaraq 150-yə çatıb.
Hazırda Bakıda daha çox yeni tikili Yasamal rayonu, sonra isə Xətai və Nəsimi rayonlarında ucaldılır.