...

Dünya Bankı Azərbaycanda "Daşınmaz əmlakın qeydiyyatı" layihəsini yenidən strukturlaşdırıb

Biznes və iqtisadiyyat xəbərləri Materials 23 Oktyabr 2012 20:33 (UTC +04:00)

Azərbaycan, Bakı, 23 oktyabr /Trend, müxbir C.Nəsibova/

Dünya Bankı (DB) Azərbaycanda həyata keçirilən "Daşınmaz əmlakın qeydiyyatı" layihəsini yenidən strukturlaşdırıb. Bu barədə Trend-ə bankın Bakı nümayəndəliyindən bildiriblər.

"Layihənin yenidən strukturlaşdırılması çərçivəsində DB-nin kreditləri hesabına yerinə yetirilməsi planlaşdırılan müəyyən işlər dövlətin layihədə iştirak payı qismində ayırdığı qalan vəsait hesabına maliyyələşdiriləcək", - bankın nümayəndəliyindən deyiblər.

Bu işlərə həmçinin kadastr xəritələrinin yaradılması aiddir.

2008-2012-cü illərə hesablanmış layihənin yenidən strukturlaşdırılması nəticəsində onun müddəti 2014-cü ilədək uzadılıb.

Trend-in məlumatına görə, Dövlət Torpaq və Xəritəçəkmə Komitəsinin sədri Qərib Məmmədov çərşənbə axşamı jurnalistlərə bildirib ki, DB layihənin həyata keçirilməsinə 30 milyon dollar həcmində kredit ayırıb, bu vəsaitin 16 milyonu Dövlət Torpaq və Xəritəçəkmə Komitəsi üçün nəzərdə tutulub. Bu vəsait xəritəçəkmə, ortofokart, xəritələrin və topoqrafiyanın hazırlanması sahəsində işlərin həyata keçirilməsinə xərclənəcək.

Azərbaycan indiyədək DB-nin bu kreditindən 9,137 milyon vəsaiti istifadə edib.

Məqalədə:
Xəbər lenti

Xəbər lenti