Azərbaycan, Bakı, 20 noyabr /Trend, müxbir H.Vəliyev/
Yanvar-oktyabr aylarının yekunu üzrə Azərbaycanın metallurgiya sənayesi və hazır metal məmulatları istehsal edən müəssisələri tərəfindən 384,2 milyon manat məbləğində məhsul istehsal edilib və xidmət göstərilib. Trend-in məlumatına görə, bu barədə Dövlət Statistika Komitəsinin hesabatında deyilir.
Metallurgiya sənayesində istehsalın həcmi 13,2 faiz, hazır metal məmulatlarının istehsal həcmi isə 68,4 faiz artıb.
10 ayın yekunları üzrə tökmə çuqun istehsalı 916,9 ton təşkil edib ki, bu da 2011-ci ilin analoji dövr göstəricisindən 2,9 dəfə çoxdur. Bu dövrdə 166,8 min ton tökmə polad, 52,4 min ton polad boru istehsal olunub.
Yanvar-sentyabr aylarının yekunu üzrə qara metallardan hazırlanan yarımfabrikatların ixrac həcmi 97,6 min ton (51 milyon dollardan çox) təşkil edib ki, bu da 2011-ci ilin analoji dövr göstəricisindən 39,1 faiz (pulla ifadədə 29,5 faiz) azdır.
10 ayın yekunları üzrə qara metallardan hazırlanan boruların ixracı 36,2 min ton (36 milyon dollardan çox) təşkil edib ki, bu da 2011-cu ilin müvafiq dövr göstəricisindən 51,2 faiz (pulla ifadədə 53,3 faiz) azdır.
