Azərbaycan, Bakı, 19 dekabr /Trend, müxbir A.Axundov/
"MasterCard" beynəlxalq ödəniş sistemi gələn il Azərbaycanda mobil telefonla ödənişlər etməyə imkan verən xidmətin tətbiqinə başlayacaq. Bu barədə çərşənbə günü Trend-ə "MasterCard"ın Azərbaycandakı regional meneceri Hakan Açar məlumat verib.
"Biz mobil ödənişlərin inkişafına böyük diqqət veririk və bir çox göstəricilər üzrə dünyada bu bazarın lideriyik. Biz öz təcrübəmizi Azərbaycana gətirmək istəyirik. Artıq 2013-cü ildə nağdsız ödənişlər üçün mobil telefonlardan istifadəni görəcəyimizə ümid edirik", - Açar deyib.
Onun sözlərinə görə, "MasterCard" bu məsələ ilə bağlı mobil operatorlarla və banklarla danışqıalr aparır.
"MasterCard Mobile" xidməti internet və ya mobil telefon vasitəsilə rabitə, kommunal xidmətlərin ödənilməsi, pul köçürmələrinin həyata keçirilməsi imkanı verir. Xidmətdən həftənin yeddi günü, 24 saat fasiləsiz istifadə etmək mümkün olacaq", - Açar bildirib.
