Azərbaycan, Bakı, 22 yanvar /Trend, müxbir T.Cəfərov/
Bu gün Astara sərhəd-keçid məntəqəsində İran və Azərbaycan Gömrük komitələrinin rəis müavinlərinin görüşü keçirilib. Trend-in məlumatına görə, bunu İran İslam Respublikasının Azərbaycandakı səfiri Möhsün Pakayin Tehranda ISNA xəbər agentliyinə müsahibəsində deyib.
Pakayin bildirib ki, Gömrük komitələrinin rəis müavinlərinin görüşündə sərnişinlərin gediş-gəlişində və malların daşınmasında gömrük prosedurlarının sadələşdirilməsi və ticarət mübadilələrinin artırılması məqsədilə sərhəd-keçid məntəqələrində mövcud problemlərin həlli kimi məsələlər müzakirə olunacaq.
Səfir əlavə edib ki, iki ölkənin Gömrük komitələri arasında bugünkü görüşün sonunda razılaşdırılmış məsələlər üzrə müqavilə imzalanacaq.