Azərbaycan, Bakı, 17 yanvar /Trend, müxbir E.İsmayılov/
"Azərbaycan Hava Yolları" QSC (AZAL) ilkin ehtimala görə ilk "Boeing-787 Dremliner" təyyarəsini 2014-cü ilin yayında əldə edəcək. Bunu cümə günü Trend-ə AZAL-dakı mənbə deyib.
AZAL daha əvvəl 2 "Boeing-787 Dreamliner" təyyarəsinin alınması üçün sifariş vermişdi.
Mənbə qeyd edib ki, AZAL ilk "Boeing-787 Dreamliner" təyyarəsini cari ilin iyun-iyul aylarında əldə edəcək: "Bu markadan olan ikinci təyyarənin əldə edilməsi 2014-cü ilin noyabrında gözlənilir".
Bu, AZAL-a daha uzaq məsafələrə, xüsusilə Cənubi və Şimali Amerika, Cənub-Şərqi Asiya və digər regionlara uçuşlara başlamağa imkan verəcək.
