Azərbaycan, Bakı, 3 mart /Trend, müxbir A.Axundov/
2014-cü ilin fevral ayında 48,364 min avtonəqliyyat vasitəsi icbari sığortaya cəlb olunub.
Trend-in İcbari Sığorta Bürosuna istinadən verdiyi məlumata görə, bu göstəricinin 15,2 minə qədərini xarici ölkələrdə qeydiyyata alınmış və Azərbaycana tranzit məqsədilə daxil olan avtonəqliyyat vasitələri təşkil edib.
Göstərilən dövrdə bağlanmış icbari sığorta müqavilələri üzrə daxil olan sığorta haqlarının məbləği 3,7 milyon manatdan çox olub.
Ötən ilin müvafiq dövrü ilə müqayisədə sığorta müqavilələrinin sayında 3,9%, sığorta haqlarının məbləğində isə 3,5% azalma müşahidə edilib.
Cari ilin fevral ayında orta sığorta haqqı 77,3 manat təşkil edib.
