...

Azərbaycan gənclərində sığorta mədəniyyəti formalaşdırılır (FOTO)

Biznes və iqtisadiyyat xəbərləri Materials 18 Noyabr 2014 15:41
Bu gün Azərbaycan Sığortaçılar Assosiasiyası, Azərbaycan Respublikası Gənclər Təşkilatları Milli Şurası, DVC ("Vətəndaş Cəmiyyətində Debat" İctimai Birliyi), Azərbaycan Respublikası Tələbə Gənclər Təşkilatları İttifaqının təşkilatçılığı, Azərbaycanın Maliyyə və Gənclər və İdman nazirliklərinin dəstəyi ilə həyata keçiriləcək “Sığortalı gənclik” layihəsinin açılış mərasimi olub.
Azərbaycan gənclərində sığorta mədəniyyəti formalaşdırılır (FOTO)

Trend-i buradan izləyin

Azərbaycan, Bakı, 18 noyabr /Trend, müxbir Azad Həsənli/

Bu gün Azərbaycan Sığortaçılar Assosiasiyası, Azərbaycan Respublikası Gənclər Təşkilatları Milli Şurası, DVC ("Vətəndaş Cəmiyyətində Debat" İctimai Birliyi), Azərbaycan Respublikası Tələbə Gənclər Təşkilatları İttifaqının təşkilatçılığı, Azərbaycanın Maliyyə və Gənclər və İdman nazirliklərinin dəstəyi ilə həyata keçiriləcək "Sığortalı gənclik" layihəsinin açılış mərasimi olub.

Trend-in məlumatına görə, tədbirdə sözügedən təşkilatların rəsmiləri tərəfindən layihənin təqdimatı keçirilib, mətbuat nümayəndələrinin sualları cavablandırılıb və tərəflər arasında əməkdaşlıq haqqında memorandum imzalanıb.

Qeyd edək ki, layihənin məqsədi Azərbaycan gəncləri arasında sığorta sahəsinin təbliği və təşviqi, gənclərin işçi kimi bu sahəyə cəlb olunması, onlarda sığorta mədəniyyətinin formalaşdırılmasıdır.

Layihə çərçivəsində həyata keçiriləcək tədbirlər planına ənənəvi "Respublika Gənclər Debat Forumu"nun sığorta sektoruna həsr olunması, sığorta sahəsi ilə bağlı qısamüddətli və uzunmüddətli kursların keçirilməsi, sığorta şirkətlərinin rəhbər şəxslərinin və sığorta mütəxəssislərinin iştirakı ilə universitetlərdə mühazirə xarakterli toplantıların təşkili, sığorta şirkətlərinin iştirakı ilə əmək yarmarkasının keçirilməsi, gənclərin sığorta sektorunda işlə təmin olunması və ya onların bu sahədə təcrübə keçməsi daxildir.

Layihə bu tədris ilinin sonunadək davam edəcək və Bakı şəhərinin bütün ali təhsil ocaqlarından olan 1000 tələbəni əhatə edəcək.

Məqalədə:
Xəbər lenti

Xəbər lenti