Bakı. Fərhad Daneşvər, Ənvər Məmmədov - Trend:
İran və Azərbaycan iki ölkə arasında ticarət əlaqələrinin genişləndirilməsi prosesinə özlərinin özəl sektorlarının cəlb edilməsi imkanlarını nəzərdən keçirirlər. Bunu Trend-ə Bakıda səfərdə olan İranın rabitə və informasiya texnologiyaları naziri Mahmud Vaezi bildirib.
Onun sözlərinə görə, sənaye və mühəndislik xidmətləri iki ölkə arasında əməkdaşlığın prioritet istiqamətləri sırasına daxildir: "Kənd təsərrüfatı, ticarət və səhiyyə də iki dost ölkənin əməkdaşlığının mümkün sahələridir. İran-Azərbaycan əlaqələri gələcəkdə daha sıx olacaq və özəl sektora dəstək lazımdır".
Nazir, həmçinin qeyd edib ki, Azərbaycan və İran prezidentlərinin imzaladığı sazişlərin böyük hissəsi ötən iki ay ərzində həyata keçirilib.