Azərbaycanın Milli Depozit Mərkəzi regional şəbəkənin formalaşdırılmasına başlayır. MDM-in direktoru Nicat Məmmədovun sözlərinə görə, 2006-cı ildə depozit mərkəzi Naxçıvan Muxtar Respublikasında, Gəncə və Lənkəran şəhərlərində filiallar açacaq.
"2007-ci ildə Quba və Şəki şəhərlərində filialların açılması planlaşdırılır. Beləliklə, 2 il ərzində biz zona prinsipi üzrə bütün respublikanı əhatə edəcək regional şəbəkə yaradacağıq", - deyə N.Məmmədov bildirib.
Milli depozit mərkəzi 1997-ci ildə yaradılıb. Qiymətli kağızlar üzrə Dövlət Komitəsi yaradıldıqdan sonra MDM-in depozit fəaliyyətində inhisarçılığına son qoyulub.
