Azərbaycanın Nəqliyyat Nazirliyi Kuveyt inkişaf fondu ilə Kürdəmir-Ucar avtomobil magistralının yenidən qurulması layihəsinin maliyyələşdirilməsinə dair danışıqlar aparır. Bu barədə Trend ə nazirliyin Yolnəqliyyatservis Departamentində bildirilib.
Yolun uzunluğu 46,2 km.təşkil edir. Hazırda hələlik Kürdəmir-Ucar avtomobil magistralının yenidən qurulması iş layihəsi işlənib-hazırlanmayıb. Layihənin TİƏ 3 il əvvəl hazırlanıb. Avtomobil magistralı TRACECA nəqliyat dəhlizinin avtomobil yolları seksiyasının sahəsidir. Yol faktiki olaraq ikinci dərəcəli 2 zolaqlı yol standartlarına əsasən inşa ediləcək.
Layihə ilə bağlı konkret tikinti işlərinə 2007-ci ildə başlanılması planlaşdırılır. İlkin hesablamalara görə, layihənin dəyəri $18 mln. həcmində qiymətləndirilir.