İqtisadi İnkişaf Nazirliyi yanında yoxsulluğun azaldılması üzrə katiblik aprelin 27-28-də 2006-2015-ci illər üçün nəzərdə tutulmuş Yoxsulluğun azaldılması və ardıcıl inkişaf üzrə yeni Dövlət proqramının (SPRRED-2) ictimaiyyətlə müzakirəsi üçün Lənkəranda görüş keçirəcək. Katiblikdən Trend ə verilən məlumata görə, birinci görüş aprelin 13-14-də Qubada keçirilib. 3-cü görüş isə mayın 11-12-də Gəncədə keçiriləcək.
Dövlət proqramının ölkə prezidenti tərəfindən iyunda təsdiqlənəcəyi gözlənilir, hazırlıq mərhələsi isə mayda başa çatacaq. Hazırda müxtəlif nazirlik və idarələrdən yeni proqrama daxil ediləcək təkliflər daxil olmaqdadır və onların əsasında bu proqram çərçivəsində maliyyələşdirmənin həcmi müəyyən ediləcək.
İctimaiyyətlə görüşlər Asiya İnkişaf Bankının Katibliyi və BMT-nin İnkişaf Proqramının texniki yardımı çərçivəsində həyata keçirilir.
