Azərbaycanın Milli Bankı "Təşkilatların mikromaliyyələşməsi haqqında" qanun layihəsi üzərində işi başa çatdırır və maraqlı tərəflərlə müzakirələr də artıq bitib. Trend in Milli Bankın İdarə Heyətinin sədri Elman Rüstəmovun sözlərinə görə, bu sahədə potensial çox böyükdür. Ona görə də sistemin inkişafı konsepsiyasını hazırlamaq məqsədəuyğundur.
Bank sektorunda olduğu kimi, mikromaliyyələşdirmə sahəsində də hüquqi baza Bazel standartları əsasında həyata keçirilməlidir. 3 il ərzində bank göstəriciləri 2 dəfə artıb. Belə sürətə mikromaliyyələşdirmə sahəsində də nail olmaq mümkündür.
Onun sözlərinə görə, qeyri-bank kredit təşkilatlarının (QBKT) fəaliyyəti üzərində sadələşdirilmiş nizamlayıcı mexanizmin yaradılması da zəruridir. "Əhalinin aztəminatlı təbəqələrinin tələbatını ödəmək məqsədilə, eləcə də ölkədə gəlirlərin artdığı şəraitdə hüquqi və fiziki şəxslərin kredit ehtiyatlarına tələbatı da xüsusi proqramın qəbul edilməsini tələb edir", - deyə E.Rüstəmov bildirib.
E.Rüstəmov mikromaliyyələşdirmə üzrə bu günkü konfransda donorlardan onların ölkələrinin təcrübəsi nəzərə alınmaqla yardım göstərilməsini xahiş edib. "Biz beynəlxalq təcrübəni bölüşməyə və Azərbaycanın proqramını dəstəkləməyə hazırıq. Uzunmüddətli əməkdaşlıq əsasında maliyyə yardımı göstərməyə hazırıq", - deyə ABŞ-ın Azərbaycandakı müvəqqəti işlər vəkili Ceyson Haylend bildirib. Onun sözlərinə görə, 2005-ci ildə ABŞ Azərbaycanın QBKT-nın fəaliyyəti üçün 200 min borc götürəni əhatə edən $25 mln. məbləğində texniki yardım göstərib.
Bvaş nazirin müavini Əli Həsənov bu mikromaliyyələşmə təşkilatlarının müştərilərinin müraciətlərinə əsaslanaraq QBKT-nın kreditlər üzrə faiz dərəcələrinin maksimum azaldılmasını xahiş edib. Çünki bu kkimçik proqramlarla əsasən, əhalinin aztəminatlı təbəqələri məşğul olur. 2002-2006-cı illər ərzində mikromaliyyələşdirmə təşkilatları $100 mln. məbləğində 50 min kredit veriblər ki, bu da 2 mln. nəfəri əhatə edib.
