Hazırda Dövlət Gömrük Komitəsi bir sıra ölklərlə gömrük rüsumlarının azaldılması barədə danışıqlar aparır. Bu barədə, Trend agentliyinin məlumatına əsasən, DGK-nin sədr müavini Səfər Mehdiyev bildirib.
Onun sözlərinə görə, idxal olunan mallara dair gömrük rüsumlarının şəffaflığı və azaldılması Azərbaycanın Ümumdünya Ticarət Təşkilatına qoşulması üçün qoyulan əsas tələblərdən biridir.
Gömrük tariflərinin dəyişdirilməsinə toxunan S.Mehdiyev deyib ki, bu, yalnız Nazirlər Kabinetinin qərarı ilə həyata keçirilir.
Hazırda ölkəyə gətirilən maşınlara rüsumların artırılması məsələsi müzakirə olunmur. Halbuki bir müddət əvvəl bu tədbir küçələrdə tıxacların qarşısının alınması baxımından məqsədəuyğun hesab olunurdu.
