Gələn həftə Bakıda Avropa Yenidənqurma və İnkişaf Bankının (AYİB) regional ofis rəhbərlərinin iştirakı ilə iclas keçiriləcək. Bu barədə Trend ə AİYB-in Azərbaycan nümayəndəliyinin rəhbəri Reymond Konvey bildirib.
Onun sözlərinə görə, tədbirdə beş regional ofis rəhbərinin (üç Cənubi Qafqaz ölkəsi, Molodova və Belarus) iştirakı gözlənilir.
"Biz Qara Dəniz Ticarət və İnkişaf Bankının rəhbərliyi ilə əlavə məsləhətləşmə aparacağıq ki, burada regional nümayəndələrin də iştirakı lazımdır. Ona görə daxili müşavirənin keçirilməsi də faydalı olar. Bu, ilk dəfə Bakıda olacaq" - deyə R.Konvey vurğulayıb. QDTİB rəhbərliyi banka üzv dövlətlərin illik iclasında iştirak etmək üçün Bakıya gələcək.
