İyulun 6-da "Koroğlu" gəmisində Azərbaycan bayrağı qaldırılacaq. Bu gəminin tikintisi Xəzər dəniz gəmiçiliyinin sifarişi ilə Rusiyanın "Qırmızı Sormovo" (Nijni Novqorod) gəmiqayırma zavodunda həyata keçirilir. Bu barədə Trend ə Xəzər dəniz gəmiçiliyindən xəbər veriblər. Gəminin "təhvil və təslimi haqqında" sənədlər imzalanacaq, sonra gəmi Bakıdakı qeydiyyat limanına yola düşəcək.
Xəzər dəniz gəmiçiliyi iyulun 20-də 13 min ton dedveytli dördüncü tankeri alacaq.
Xəzər dəniz gəmiçiliyi sonuncu- beşinci tankeri naviqasiyanın sonunda, oktyabr-noyabr aylarında alacaq. "Dədə Qorqud" adlı bu gəmi artıq gəmiqayırma müəssisəsində suya buraxılıb.
Hökümət qeyd edib ki, bu gəmilərin Rusiyanın daxili suları ilə gətirilməsi zamanı xüsusi icazənin alınmasına ehtiyac yoxdur.