...

UNICTAD Bakıda ÜTT məsələləri üzrə üçgünlük konfrans təşkil edib

Biznes və iqtisadiyyat xəbərləri Materials 8 Sentyabr 2006 16:14 (UTC +04:00)

Trend-i buradan izləyin

BMT-nin Ticarət və İnkişaf üzrə Konfransının (UNICTAD) Bakıda təşkil etdiyi Ümumdünya Ticarət Təşkilatına (ÜTT) üzvlük məsələləri ilə bağlı beynəlxalq konfransı bu gün işini başa çatdırır.

Azərbaycan Xarici İşlər Nazirliyindən Trend ə xəbər verildiyi kimi, sentyabrın 6-dan keçirilən konfransın işinə UNICTAD-ın təmsilçiləri, Mərkəzi Asiya ölkələrinin iqtisadçıları üçün BMT-nin Xüsusi Proqramına (SPECA) üzv ölkələrdən, eləcə də Azərbaycan Respublikasının müxtəlif nazirlik və idarələrindən nümayəndələr qatılıblar.

Tədbirin əsas məqsədi ÜTT-yə daxil olan ölkələrə yardım etmək və artıq bu təşkilatın üzvü olan dövlətlərlə təcrübə mübadiləsi aparmaqdır. Konfrans iştirakçılarından Oman, Gürcüstan, Qırğızıstan artıq ÜTT-yə qəbul olunub (təşkilatın cəmi 150 üzvü var).

Tədbirdə 60 qonaq iştirak edir ki, onlar arasında Qırğızıstan, Qazaxıstan, Əfqanıstan, Tacikistan, İran, Oman, Gürcüstan, Bosniya və Hersoqovina təmsilçiləri də var.

Azərbaycan tərəfindən tədbirin təşkilatçısı XİN-dir.

Xarici işlər nazirinin müavini, ÜTT-də danışıqlar qrupunun başçısı Mahmud Məmmədquliyev qonaqlara həmçinin Azərbaycanın bu təşkilata daxil olmasına hazırlıqla bağlı məlumat verib. Dövlət Komissiyası ÜTT üzv ölkələrdən gəlmiş suallara cavabı sentyabrın 15-nə kimi Cenevrəyə təşkilatın katibliyinə göndərməyi planlaşdırır. Azərbaycanın ÜTT-yə daxil olması üzrə danışıqların 4-cü mərhələsi 2006-cı ilin oktyabrın sonu - noyabr ayına nəzərdə tutulub.

1997-ci ildən Azərbaycan bu təşkilatda müşahidəçi qismindədir. Bu vaxta qədər ölkəmiz ÜTT ilə 4 görüş keçirib. İlk iki görüş xarici ticarət məsələrinin müzakirəsinə həsr olunub, 2005-ci ildən başlayaraq isə son iki görüşdə ölkəmiz geniş miqyaslı danışıqlara başlayıb. İkitərəfli danışıqlar Azərbaycanın mal və xidmətlər bazarına çıxış, çoxtərəfli danışıqlar isə kənd təsərrüfatının və bu sahədə ixrac subsidiyalarının daxili dəstəklənməsi məsələləri üzrə keçirilir.

Çoxtərəfli danışıqlar çərçivəsində suallar Kanada, ABŞ, Avropa İttifaqı, Türkiyə və Yanoniya tərəfindən təqdim olunub. İkitərəfli danışıqlara hazırlıq üçün ABŞ, Kanada, Aİ, Avstraliya, Yaponiya və Çindən suallar alınıb.

Xəbər lenti

Xəbər lenti