Hesablama Palatası 2005-ci il avqustun 29-da fəaliyyətə başlamış Azərbaycanın İctimai teleradioşirkətində audit aparır. Bu barədə, Trend in xəbər verdiyi kimi, dövlət strukturundan məlumat verilib.
Auditdə əsas məqsəd 2005-2006-cı illər ərzində şirkətin fəaliyyəti üçün ölkənin dövlət büdcəsindən ayrılmış vəsaitlərin istifadə vəziyyətini yoxlamaqdır.
Audit sentyabrın 5-dən başlayıb və ayın sonuna kimi davam edəcək.
Hesablama Palatası Azərbaycan Milli Məclisi tərəfindən Azərbaycan Respublikası Konstitusiyasının 92-ci maddəsi əsasında yaradılıb və 2001-ci il dekabrın 7-dən fəaliyyətə başlayıb. Qurum Hesablama Palatasının üzvləri olan və Azərbaycan Respublikası Milli Məclisi tərəfindən təyin olunan sədr, sədr müavini və 7 auditordan ibarətdir. Halatanın üzvlərinin səlahiyyət müddəti 7 ildir.
