Azərbaycan Beynəlxalq Bankı İngiltərə firmasını bankın Azerileasing törəmə şirkətinə cəlb edəcək. Bu barədə Trend ə ABB-nin idarə heyətinin sədri Cahangir Hacıyev məlumat verib.
Onun sözlərinə görə, bununla bağlı məlumat yaxın vaxtlarda açıqlanacaq. "İngiltərə şirkətinə 50% payın verilməsi planlaşdırılır. ABB Azerileasing-in tərkibindən çıxmağı planlaşdırmır", - deyə o bildirib.
Azerileasing 2000-ci ildə türk tərəfdaşı "Qaranti lizinq", MIGA/IFC (DB-nin strukturu - Beynəlxalq Zəmanət Agentliyi və Beynəlxalq Maliyyə Korporasiyası) və ABB-nin iştirakı ilə yaradılıb. "Qaranti lizinq"in 15 illik iş təcrübəsini nəzərə alaraq şirkətə MM-dəki səhmlərin 50%-nin, MIGA/IFC şirkətinə isə 10%-nin verilməsi nəzərdə tutulurdu. Ancaq daha sonra "Qaranti-lizinq" MM-də iştirakdan imtina edib. MIGA/IFC isə nizamnamə kapitalına öz payını ödəməyib.
Danışıqlar RF-nin Xarici İqtisadi Bankı, İsrailin Dower Tower kredit təşkilatı, Avstriyanın Reiffeisen bank və s. ilə aparılıb.