Azərbaycan prezidenti yanında Qiymətli Kağızlar üzrə Dövlət Komitəsi ölkə regionlarında fəaliyyəti intensivləşdirir. Trend in xəbər verdiyi kimi, QKDK sədri Gündüz Məmmədov bildirib ki, Dövlət Komitəsinin Naxçıvan MR-dəkı İdarəsi və Milli Depozit Mərkəzinin filialı ilə yanaşı, regionlarda (Gəncə, Lənkəran) da qiymətli kağızlar bazarının peşəkar iştirakçılarının şöbəsi açılır.
Regionlarda, həmçinin, ilk sazişlər bağlanmağa başlanıb. QKDK İdarəsi Ordubad "Mexanikləşdirmə" SC-nin səhmlərinin emissiyalarının qeydiyyatını keçirib. Artıq 23 SC-nin ümumi dəyəri 3,5 mln manat olan səhmlərinin emissiyalarının prospektləri qeydiyyata alınıb və səhmdarların hüquqlarının pozulması ilə bağlı 12 müraciətə baxılıb.
MDM-in NMR-dəki filialı ilk sazişi Babək Sirab ASC ilə səhmdarların reyestrinin aparılması və saxlanmasına dair imzalayıb. Daha 4 SC ilə müqavilələrin imzalanması gözlənilir.
