Rusiya Federasiyasının Kurqan vilayəti administrasiyasının nümayəndə heyətinin Bakıya səfəri noyabradək təxirə salınıb. Bir qədər əvvəl səfər oktyabrın ikinci ongünlüyünə planlaşdırılmışdı. Rusiyanın Azərbaycandakı ticarət nümayəndəliyindən Trend ə verilən məlumata görə, hal-hazırda Rusiya nümayəndə heyətinin səfərinin tarixi və onun tərkibi dəqiqləşdirilir.
Nümayəndə heyətinin yüksək səviyyədə (qubernator və ya vitse-qubernator) olacağı gözlənilir. Belə ki, səfər çərçivəsində Azərbaycan və Kurqan vilayəti hökumətləri arasında ticari -iqtisadi, elmi-texniki və mədəniyyət sahələrinə dair sazişlərin imzalanması planlaşdırılır.
Nümayəndə heyətinin tərkibində bir qrup iş adamı təmsil olunacaq. Onların azərbaycanlı sahibkarlarla görüşmək istəyi artıq Azərbaycan tərəfinə çatdırılıb. Bununla bağlı olaraq biznes forumun keçirilməsi planlaşdırılır.
